مع كتكوت مش هتقدر تغمض عنيك
محاوله بائسه لرفع المعاناه عن كاهل اخوتى من شعب سونيا الوسطى..... خلاصته
دى طريقه استعمال الجهاز بتاعك كماوس لاسلكى او بريزنتر او ريموت تتحكم بيه فى الميديا بلاير ....
انزل اى مول كمبيوتر واشترى بلوتوث USB يكون V 1.1 او V1.2 الاتنين ولاد ناس وكويسين , لو مش عارف تجيب ايه بالظبط ممكن تجيب نوع اسمه billionton هيكون سعره حوالى 45 لحلوح مصرى , حاجه ببلاش كده يعنى وصله بالكمبيوتر بتاعك ويستحسن تكون بتستعمل Windows XP Pro SP2 Media Center ... اما بعد اعزتى فى الله مجرد انك تحمل البرنامج اللى مع البلوتوث ده هيطلب من الكمبيوتر اعاده تشغيل السيستيم .. اعمل له اللى هو عايزه علشان تخلص لما يفتح الجهاز بعد كده هتظهر لك صفحه زرقاء فيها ايقونه شمس برتقالى فى النص , افتح البلوتوث فى الموبايل السونى بتاعك بعد ما تسمى الله وادخل على قائمه Entertainment وبعدها اختار منها Remote Control وبعدها سيب الموبايل وانتقل للكمبيوتر واضغط على ايقونه الشمس البرتقالى هيعمل بحث على الاجهزه الموجوده فى المدى المتاح هيظهر موبايلك كانه كوكب فى مدار جنب الشمس اياها دى ..... اعمل دبل كليك على ايقونه موبايلك هتفتح صفحه جديده فيها شويه ايقونات عجيبه فى الصفحه من فوق اختار منها ايقونه على شكل ماوس واضغط عليها موبايلك هيطلع رساله على شاشته بتقول ان فيه جهاز بيحاول يستخدمه كريموت كونترول وبيسالك اذا كنت موافق ولا لأ .... اختار اللى يعجبك انت بقى ., اما بعد هيطلب رقم سرى دخل نفس الرقم فى الموبايل والكمبيوتر , لحد هنا فل وتمام .... طيب الموبايل هيطلعلك قايمه فيها ثلاث اختيارات للريموت بريزنتر او ميديا بلاير او ديسك توب اختار الاخير كده استعمل الجوى ستيك بتاعه الموبايل كانها ماوس واضغط عليها مرتين علشان تختار كانك بتستعمل ماوس عادى تختار بيه هتشلاقى الماوس بيتحرك على الشاشه وهتلاقى بقك مفتوح وانك اصبحت مذبهل تماما . متقلقش شويه والاذبهلال هيروح وهتلاقى نفس بتتنطط فى الاوضه وبتقول ان سونى ايريكسون دى اعظم شركه جوال على ظهر الكوكو كله وكمان شويه هتبقى كويس وعادى زى اى مواطن وتقدر تستمتع بالماوس التليفون ........... على فكره فى الميديا بلاير بيبقى جامد جدا
نسال الله ان يجعل هذه المعلومه فى ميزان حسناتى ويغفر لى عكى وعطى وما اسرفت على نفسى.
مع تحياتي Krrish20070
انا مستني الردوووووووووووود 
كتكوت
كتكوت موسوعة ترفيهية متكاملة
